Aap se milke hum kuch badal se gaye

Aap se milke hum kuch badal se gaye...

Sher padhne lage, Gungunane lage...

Pehle mashoor thi apni sanjeedgi...

Ab to jab dekhiye muskurate hai...

Aap se milke hum kuch badal se gaye...

Hum ko logoon se milne ka kab shauk tha...

Mehfilazayi ka kab humein shauk tha...

Aap ke vaaste humne yeh bhi kiya...

Milne-julne lage, aane jaane lage...

Aap se milke hum kuch badal se gaye...

Humne jab aapki dekhi dilchaspiyaan...

Aa gayi chand hum mein bhi tabdeeliyaan...

Ek Musabbir se bhi ho gayi dosti...

Aur Ghazlein bhi sunne-sunane lage...

Aapse milke hum kuch badal se gaye.

Aap ke baare mein pooch baitha koi...

Kya kahein humse kya bad hawa-si huyi...

Kehne waali jo thi baat woh na kahi...

Baat jo thi chupani batane lage...

Aap se milke hum kuch badal se gaye...

Ishq beghar kare, ishq bedar kare...

Ishq ka, sach hai, koi thikana nahin...

Hum jo kal tak thikane ke the aadmi...

Aapse milke kaise thikane lage...

Pehle mashoor thi apni sanjedgi....

Ab to jab dekhiye muskurane lage....

Aap se milke hum kuch badal se gaye...

.'''-'''.

                ''.A.'' (Just for You)

˙·٠•●♥ (♥♥Love Is Life♥♥)♥●•٠·˙