Yeh Saal Bhi Udaas Raha Rooth Ker Gaya

Yeh Saal Bhi Udaas Raha Rooth Ker Gaya
Tujh Se Mile Bagair December Guzer Gaya

Umer e Rawaan Khizaan Ki Hawa Se Bhi Taiz Thi
Her Lamha Barg e Zard Ki Sorat Bikher Gaya

Dil Mein Chatakh'tay Cheekhtay Wehmon K Bojh Se
Woh Khouf Tha K Raat Ko Sote Mein Der Gaya

Ju Baat Mootber Thi Woh Sar Se Guzer Gayi
Ju Harf Sarsari Thi Woh Dil Mein Uter Gaya

Hum Aks e Khoon e Dil Hi Luta'tay Phiray Mager
Woh Shakhs Aanso'on Ki Dhanak Mein Nikher Gaya

Mohsin Yeh Rang o Roop Yeh Ronaq Baja Mager
Main Zinda Kya Rahon K Mera Jee Tou Bher Gaya..

.'''-'''.

''.A.''

˙·٠•●♥ (♥♥love Is Life♥)●•٠·˙